23 Augustus 2008

Doring Rivier Roei

My nuwe kolega Francois het ons saamgenooi om die Doring rivier te kom roei, saam met 'n pel van hom se roei maatskappy. So Vrydag aand pitch ons erens op 'n plaas naby die "Boesman grot opelug teater" agter in die bakkie.

Saterdag oggend vroeg klim ons agter op 'n trok en ry na die naaste water. Vinnig "briefing" dat roei op 'n "croc" nie heeltemal soos paddleski is nie, maar dat die paddle wel amper dieselfde lyk. So paar goeters oor lae rivier beddings en passop vir stuitjie breke en daar gaan ons...

Die eerste rapid is sommer by die ingangs punt. En so vinnig soos ons uit die boot uit hop, hop ons weer terug. Rapid na rapid begin die Oranje rivier roeiery na 'n middagslapie lyk... Middagete is lekker in die son op 'n wal en rapid vir rapid gaan ons weer voort.... Teen laatmiddag kom ons by die kamp plek aan. Almal help om al die goeters bo te kry in die grot en Paul en sy span begin om vetkoeke gaar te kry. Wow dit was lekker. Die aand kuier ons lekker en ons eet omtrent soos 30 jaar terug toe Ouma Le Roux 3 vleise, rys, aartappels en nog lekker gekookte pudding ook op die tafel sit sodat die pote omkrul.... Na die spulletjie is daar net een oplossing: Zzzzzzz....

Die volgende oggend aan die gang en opruim, oppak en opstrap op die boot. Paddle en daar gaan ons. Rapid na rapid en die laaste rapid was die laangste... lekker man. Maar toe ons om die laaste draai kom waai die wind dat ons moet roei dat die biesies bewe... en die biesies het gebewe.

Onder deur die brug en Paul hulle sit wragtig nog middagete ook voor. Weet nie waar en hoe hulle dit doen nie. Lekker gesmul en gedroog en ons is oppad na die basis terug. Laai alles af en pak weg en na die groetery is ons oppad huistoe...

Lekker ontspan en aksie naweek. Dankie Paul (van Bundi) en Francois vir die lekker kuier!

09 Augustus 2008

Wynproe by die Bergkelder

'n Onvergeetlike wynproe! Ons proe ou wyne in die Bergkelder (natuurlik deur Jaco gereel). Die atmosfeer was baie spesiaal, so in die aand onder in die vinoteek tussen die rakke en rakke ou wynbottels vol stof. Ons het 11 wyne geproe, die oudste een was 'n vonkelwyn van 1974, die Bergkelder se destydse wynmaker se eerste poging om champanje te maak soos dit in Frankyk gemaak word. Ons het vir die ene maar opgestaan. Daar was tot nog 'n bietjie fizz in! Die enigste ander wit was 'n special late harvest, ook van 'n hele klompie jare terug. Die res was rooi, en nie een het teleur gestel nie. Dit is einlik ongelooflik, want, soos Jaco se, voor 'n sekere jaar is daar nie goeie oesjare nie, net goeie bottels. Ons het dit gelukkig getref en al die goeie bottels getrek, lyk dit my! Keith was op sy stukke en het heelaand gepose sodat ons fotos kan neem waaraan sy ma hom kan onthou as hy oor 'n rukkie tussen die ysbere en pikkewyne op Antarktika sit.













Projects