29 Desember 2010

Kersfees op Pringlebaai


'n Naweek van son en see en sand en BAIE wind. En lekker kuier!

Die beste kersgeskenk: Stef en Yolandi was hier van Angola af!

'n Bietjie presente.

Lappe uit Luanda.


Driehoek se blomme

Bloedwortel familie: Dilatris ixoides)

Gladiolus (undulatus: vleipie ?)

Cape Poker (Kniphofia uvaria)

Onbekende Pelargonium

20 Desember 2010

Driehoek


Deur Donderdag se vakansiedag met Vrydag se werksdag om te ruil, kon mens 'n langnaweek maak van die afgelope naweek sonder om 'n waardevolle vakansiedag te vat. Dit was effe reënerig, wat ons die tyd van die jaar erg verwelkom. Riaan wou sommer sy afdag al Donderdag inwerk, so ons is eers 22:30 by die huis weg, en het in 'n redelike reënbui om 00:30 by Driehoek aangekom, in 'n stil en donker kampplek. Niemand het eers 'n vuurtjie vir ons laat brand nie. Alhoewel dalk het hulle, maar dan het hy doodgereën.Gelukkig is ons kampmetodes baie in-die-reën-kamp-opslaan vriendelik, en ons het lekker met die reën op die bakkie se dak aan die slaap geraak.
Vrydagoggend was Jaco heel verbaas toe hy uit sy tent klim
en ons langs hulle gewaar - ons het darm stil genoeg aangekom om niemand wakker te maak nie!

Vrydag het ek saam met Jaco en Telani 'n lekker (verder as verwagte)
stappie na Welbedacht grot aangepak wat die grootste deel van die dag geneem het. Met 'n heerlike swem in die yskoue swemgat daarna.



Die res van die naweek was rustig, ons aktiwiteite het gewissel tussens stap (Jaco en Telani het hier die beste gevaar, hulle het die Maltese Kruis ook Saterdag aangepak. Ons het dit maar geskip a.g.v. swangerskap-moegheidsindroom by my en eintlik-ook-nie-lus-nie-maar-noem-dit-maar- simpatieke-bystand by Riaan), lees, swem, en kuier.


Dankie aan Jaco wat in al my dry-lemon cravings voorsien het! En dankie aan die Murrays vir die idee van die naweek (dink ek), en dankie aan my heel beste man vir 'n heerlike weg-naweek al was hy waarskynlik meer lus om by die huis te bly en te slaap.

11 Desember 2010

Aankondiging

Soos aangekondig op Sinterklaas, 9 Desember 2010


Aan al die familie wyd en suid

Stuur ons vanaand ‘n aankondiging uit

Aan al ons vriende klein en groot

Vanaand is die aand, die nuus moet voort

Hiermee het Sint, die liewe man, niks te doen

Van jaloesie raak hy skoon groen

Want kyk, kinders het hy nie self

Nog minder ‘n sintlike wederhelf

Hy maak elke jaar ‘n klomp kinders bly

Maar babatjies kan hy nie self kry

Daarom mag hy en almal hier dit darm vanaand saam vier

‘n Nuwe klein Doorduin is amper hier!

Ode aan Ma Marti - so op die vooraand van 60.

Sjoe maar hierdie jaar is dol
Sint het sy hande heeltemal vol
Wat met spesiale versoeke, kombuistees en 60ste verjaardae
Was daar maar meer stout kinders
Dan het Swarte Piet meer werk gehad met die pakke slae

Maar nou ja, Sint het al hierdie werkies nodig
Netnou raak hy totaal oorbodig
Hy moet tog sy salaris verdien
Want hy wil ook met vakansie, sien

So fokus nou op Marti van den Dool
Sy is ook lankal nie meer op skool
Haar 60ste verjaardag is op koms
En oral is die gedagtes aan die gons

Haar verjaardag word elke jaar meestal gemis
Omdat die Dole ver weg met vakansie is
Nou het almal gedink die goeie tyd is hier
Om maar so 'n bietjie haar verjaardag te vier

'n Goeie partytjie sal ons later moet hou
Maar tog moet daar 'n geskenkie gegee word, gou!
So van al die familie hier
Kry Marti nou haar nuwe gier
'n Masjien wat kan roer en brou en bak
Kyk net hier wat het Sint in sy sak!

Sinterklaas!

Na vele heen en weer eposse, gebellery en sms'se, is ons familie op 9 Desember bymekaar vir ons jaarlikse Sinterklaasviering. Nogal almal behalwe Rudi en Mariette (wat in London sit) , Kim (wat ook in London sit) en Riaan, Adri en Mieke wat besluit het hulle trek bietjie op Goudstad toe. Die res was voltallig. Plus 'n paar besoekers wat Lise saamgebring het van Tsaneen af, en Simone se nuwe outjie wat ook vir die eerste keer 'n Sinterklaas mog meemaak.
Nadat al die lasagne, slaai, koue koffie en koue chocholate, plus nog een en ander verorber is, het die presente begin. Kyle en Simone was die reëlingskomitee hierdie jaar, en persente is volgens hulle vooropgestelde lys uitgedeel.

Iewers na die eerste paar presente, het Sint self ook sy opwagting gemaak om vir Marti 'n spesiale aflewering te kom maak vir haar 60ste wat op koms is. Ons was egter te laat by die deur om hom te vang, ai!

Sy was duidelik effe onkant gevang, maar tog bly met haar nuwe broodmasjien.

Marianne wys haar present.

Robbie het sy Meestersgraad Cum Laude geslaag, en moes ook daarvoor beloon word. Marianne het hom namens almal oor die kop geslaan met sy geskenk: 'n pan met 'n tossel aan.

Kyle trek in sy eie woonstel in, en ons het sommer sy kitchentea ook gehou. Ook 'n verassing..

All in all 'n gesellige aand, met 'n klomp ekstra dinge.. en aankondigings. Daaroor sal ek op 'n ander post uitbrei...

05 Desember 2010

Die seilseisoen op Soutfontein is oop!

As gevolg van Cape Talk se weerberig wat verwoestende winde in en om Kaapstad voorspel het vir die naweek, het 'n kamp/seil naweek in 'n seiltjie op ons dam ontaard.
Dit was ook lekker.



20 November 2010

Kalkbaai uitstappie

En Woensdag was ons in Kalkbaai. Minder toeriste en meer variasie in winkels as in Franschoek. Middagete by die Olympia kafee, waarvan ek al baie gehoor het maar waar ek nog nooit was nie. Dit het 'n baie gesellige atmosfeer, en ook lekker kos. En baie lekker cuppochino's, mm!









Franschoek uitstappie

Irma se week in die Kaap moes optimaal benut word, en Franschoek was op die menu. Na 'n wandeling in die hoofstraat op om moontlike eetplekke uit te check, het ons besluit op Le Quartier Francais. Dit was 'n ervaring - die kos was uitstekend. Hulle doen klein gereggies waarvan mens meer as een kan bestel, en die smake en kombinasies is puik.

Le Quartier Francais is 'n hotel en restaurant, en hulle het ook 'n klein teater langsaan wat mens of in kombinasie met 'n ete kan doen, of op sy eie. Hulle het elke aand 'n ander film wat wys: lekker groot sitplekke met 'n komplimentêre glas rooiwyn en bakkie kaasballe. Definitief aan te bevele!

Die spyskaart wat allerhande lekker dinge belowe.

Shaved watermelon, goat's feta en dried olive salad. En in die agtergrond, fish pops met chakalaka ketchup.

fried parmesan gnocchi met spiced brinjal en swiss chard

little pan pizza met home made cheese, smoked tomato en basil

Na middagete het ons by die Franse Hugenote monument gaan rondkyk, iets wat ons altwee op skool laas gedoen het.

Dirk en Gherda

13 November - die groot dag vir Dirk en Gherda

Kerk: Toringkerk Paarl
Venue: Val de Vie

Dit was 'n lekker partytjie. Die speeches was oulik, Oom Anton was snaaks, en die mense het lekker gekuier. En Adamsappel het baie mooi gesing.

Baie geluk julle twee - dit was lekker om dit saam met julle te vier.

Dirk en Gherda Honing

Goeie weersien met Irma

'n Polo-game word in die agtergrond gespeel.

Die bruidstafel

Adamsappel

Pringlebaai


Die pragtige uitsig vanaf my skoonouers se stoep.

Kyk baie mooi - daar is 'n walvis net agter die rotse. Kop links, stert regs.

Bundi Breerivier naweek

Ek is baie agter met skryf, so hierdie naweek het al 'n paar naweke terug gebeur. Een van Riaan se kollegas, wat ons kontak met Paul Rhode van Bundi Adventures is, het ons genooi vir die openingsnaweek van hulle Breërivier-kamp. Ons het baie lank uitgesien na die naweek, en ten spyte van die feit dat ek verkoue gekry het net voor die naweek, het ons dit baie geniet. Daar was omtrent 120 mense, so well done aan Bundi wat alles baie mooi georganiseer het.
Vrydagaand was 'n lekker potjie en kuier tot laat. Saterdagoggend 'n driekamp (ons het gegaan vir die 5 km stap), BAT challenge (waar mens in spanne van 4 rondhardloop na verskillende punte en vrae moet antwoord), en van 2pm-6pm het ons rivier-af geroei. Saterdagaand kuier en dans, en Sondag is almal so stuk-stuk huistoe.

Ons het darm met lekker sagte Crocks geroei en nie met die harde kanoes nie.

Marna het besluit sy slaap g'n niks in 'n dorm nie!

Net om seker te maak ons draai om by die 5 km merk en hardloop nie tot in Worcester nie.


Hulle het 'n pragtige dek en walkways na die rivier toe gebou - baie nice om in die oggende op koffie te drink! Ook 'n lekker plek om vanaf vis te vang, en al die water-manewales dop te hou.

04 November 2010

Kuier met die jetsetter!

Ons was gelukkig genoeg om vir Yolandi 'n dag en 'n nag by ons te hê, onderweg van Houston na Holland na Johannesburg na Kaapstad na Johannesburg na Angola, kon sy ons darm ook inpas! Ons het bietjie in Riebeek Kasteel gaan rondloop en "Crisp" ontdek. Hulle verkoop klompe Italiaanse goed - teen Italiaanse pryse ok, maar ten minste was hulle groente nie so duur nie. En mens pak dit in bruinpapiersakkies, hoe cool is dit! 'n Sakkie vol mushrooms, 'n sakkie vol peppers..







24 Oktober 2010

Nog 'n 60 partytjie

Die slag is oom Bert die een wat 60 slaan. Ons het die fees by hulle in die tuin gehou - nog 'n pragtige tuin waartoe ons toegang het. Met aankoms moes almal 'n rondte deur die tuin loop en 'n paar take verrig.

Hier kon almal vir Anton, die tuinman, boodskappe los. Behalwe die gewone pragtige-tuin-hou-so-vol-boodskappe is daar ook genoem van nuwe trekkers en verhogings en dat hy geduld met die "Ou Man" moet hê.

Nou HIER het 'n paar interessante goed uitgekom!

Oom Tjeert meet kragte met die kwaai mannetjie.



Ouma met Mieke: Brett weet hoe om lig in te sit in die donker.

Gesinsfoto - almal moet baaaaie stil sit vir 20 sekondes.

Nog 'n speel-met-lig foto


Robbie as 'n baie jong weergawe van Oom Bert, en Riaan as die klient met 'n klomp demands.

Oom Tjeert lees een van sy epiese gedigte.

Oom Bert en Tannie Willy geniet die aand!