Riaan en Kari Doorduin

Kuier met Marius en Irma

2012-01-21T14:01:00.002+02:00

Hierdie post het langs die pad vergete geraak. Ek het dit begin en as draft gesave, en toe daarvan vergeet. Hier is die nuwe post dan nou - jammer Irma en Marius dat ons julle "afgeskeep" het op die blog, dit was glad nie die bedoeling nie!

Ons jaarlikse kuier was die keer weer baie lekker, al was dit nie meer op Soutfontein se stoep nie. Gelukkig was dit nog nie so warm in Paarl soos nou nie! Irma hulle het met middagete die Woensdag hier aangekom. Hulle was dadelik 'n "hit" met Vincent, en hy het lekker gekuier!

Nadat ons almal saam geëet het en Riaan weer terug is werk toe, het ons LaBorie toe gestap en gaan wynproe. Wyn en sjokolade, en wyn en olywe. Dit was 'n pragtige dag en heerlik om op die stoep van LaBorie te sit met die mooi uitsig en lekker wyn. Veral Marius was baie gelukkig!

Later die middag het ons Pick 'n Pay ingevaar en inkopies gedoen vir aandete. Maar voor aandete was daar eers presente, terwyl Vincent nog wakker was. Die Doorduine het nie goeie voorbereiding getref nie, en al die presente was van Irma en Marius aan ons. Baie dankie, julle, dit was baie spesiaal! Ek het ongelukkig nie 'n foto van die Sjokomel geneem nie, ai, en dit is al lankal op!

Aandete was heerlike vis wat Marius in botter gedoen het.

Donderdag (wat 'n vakansiedag was), het ons lekker laat geslaap, en daarna Grand Roche toe gestap vir ontbyt. Wat toe lunch geword het, omdat ons na ontbyt tyd daar aangekom het! Nog 'n mooi stoep met 'n pragtige uitsig (ons moet opmaak vir Soutfontein).

Terug by die huis het almal 'n middagslapie gedoen, waarna ons weer gaan stap het, in die arboratorium die keer. Dit was die einde van die Paarl kuier, maar ons het mekaar darm nog by Pringlebaai gesien tussen Kersfees en Nuwejaar. Dit was die koudste dag van die Kersvakansie, dit het gereën en die wind het gewaai. Marius en Riaan het 'n surf-date gehad, en ek het gedink ons sal dalk maar iets anders gaan doen, maar danksy Marius se lus vir die water, het dit tog gebeur. Die branders by Kleinmond was eintlik baie mooi, en dit was lekker buite in die drizzle. Ek en Irma het die plaaslike koffiewinkel gaan probeer - die uitsig was mooi maar die koffie en die kos nie heeltemal die moeite werd nie! Niks het vir Vincent gepla nie, hy het deur alles geslaap!

Ek? Stout?

2012-01-21T09:12:00.004+02:00

Net mooi nooit nie! Sal ook nooit wees nie! Wat het julle dan gedink?

Hoe groot...

2012-01-21T09:10:00.001+02:00

Hoe groot was dit? Mmm, ek kan nie mooi onthou nie.

O ja, nou weet ek!

Soooo groot!

Ouma verjaar!

2012-01-21T09:04:00.002+02:00

Ouma Marti het onlangs verjaar, en die Doole was voltallig aanwesig! Dit was baie spesiaal. Die kids het almal lekker laaat opgebly vir die geselligheid.

Bakdag

2012-01-21T08:59:00.001+02:00

Ek en Mamma bak vir Pappa se verjaardag (dit was nou al weer laaaank terug). Ek mag nog nie bakke uitlek nie, maar ek het darm 'n mangopit en'n koekie gekry!

Pappa ek wil ook surf!

2012-01-04T09:41:00.002+02:00

Die slaap van die olifante

2012-01-03T20:29:00.002+02:00

As ek slaap, dan slaap ek. Al val daar 'n olifant op my kop!

Vakansie Tyd is Vincent Tyd

2012-01-02T13:10:00.000+02:00

Ja, die blog is opgedra aan ons klein bondeltjie vreugde... Vincent!

Die naweek van die 16de (Dingaans dag of so iets...) is ons op vakansie. Lekker... Die Paarl begin bietjie sy hitte vir ons wys en 'n swembad met water is gevul met balletjies en Vincent het lekker gespeel...

Sondag is Benjamin, Vincent se nefie opgedra in die kerk... Was 'n baie oulike diens en die kuier daarna was net so lekker! Oupas, Oumas ooms tantes het lekker gekuier en gebraai! Lekker... (3 fototjies bymekaar)

Na die kuier by die Natrasses het ons aangestoot Pringlebaai toe. Vincent het hier sy eerste kennismaking met 'n kreef gehad: Vincent: Kreef; Kreef: Vincent! Beide kreef en Vincent het nie mooi geweet hoe om die situasie te hanteer nie. In die oggend is Vincent se gunsteling tyd verdryf om bietjie met oupa te speel! Rustig (of dit is wat Oupa vertel) sit en speel hy by hulle tot die res van die huis wakker word.) Verder het ons lekker met hom gaan stap in Kleinmond en die markies en viswinkels verken.

Kersfees was ook 'n eerste vir Vincent. Oumas, Oupas, Ooms, Tannies en ouers het almal 'n ou iets vir hom gehad. Swem in die lagoon was ook op die aggenda, veral na die koue water in die see... Brrrr....

En met 'n eerste kersfees is dit 'n eerste nuwe jaar ook. Pa en Ma het vroeg gefade... Die ontbyt die volgende oggend was 'n fees. Ook die feit dat die Doorduine voltallig was. Al 9 van ons!

'n Voortreflike eerste vakansie saam met Vincent!

Real Programmers

2011-12-24T11:57:00.003+02:00

Bietjie random, maar ons sit hier by Pringlebaai en wakker word; koppie koffie in die hand; en click rond op die internet... toe kry ek het hier 'n paar links oor "Real Programmers"... ek is mal oor programering. Vir my is dit 'n tool en kuns. Tool: Om die werk gedoen te kry. Kuns: Om te kan waardeer as 'n ander programeerder iets werkliks mooi gedoen het.

Ek het al in 1988 met Basic begin programeer. En dus tog 'n bietjie van 'n waardering vir die baanbrekers in die bedryf en daarom die skrywe na aanleiding van die artikels getiteld: "Real Programmers".

Die eerste een is oor Mel:

http://ronrecord.com/Mel.html

Die tweede een... oor 'n emosionele skrywe...

http://www-personal.edfac.usyd.edu.au/staff/souters/Humour/Real.Programmer.Stories.html

Verder was daar 'n interesante dosent (Hans) op Stellenbosch wat vir ons Rekenaarstelstels gegee het... Hy het erens in 'n prakties vir een van die studente gese: "It always looks better in assembler..." Volgens oorlewering het hy 'n groot deel van die destydse Sun Sat se beheerstelsel in assembler geskryf... so yes hy kan...

My eerste werk was by Siemens en daar het ek die vooreg gehad om 'n paar jaar in Intel 386 Assembler te programeer.Dit was ook 'n enorme bedryfstelsel wat op die komunikasie links geleef het. En as jy hom kon lat ophang "pop ons 'n bottel sjampanhe"... wat natuurlik nooit gebeur het nie. Hier het ek by van Duitsers rerige mooi kode gesien en ook dat assembler 'n kuns vorm kan aanneem. Daar het ek wel 'n balangrike les geleer... jy kan ongelooflik optimering doen, maar as jou kode onverstaanbaar is dan maak jy dit net moeiliker vir die ouens wat jou werk moet onderhou. So tenspyte van wat die gurus se.

In 2005 het ek by Prism begin werk en daar was drie ouens wie se kode ek ongelooflik geniet het. Dit was in C geskryf en baie mooi. Colin Tebutt, William Hunter en Gary (bietjie lank terug... kan nie mooi onthou nie...). Elkgeval dit is waar ek seker van die meerste oor programering geleer het en amazing goed gedoen het. Ek dink Colin en Will is van die "Real Programmers" waarvan hulle praat...

'n Laaste van die kaliber programeerders is Niki Steenkamp. Hy het ons Sundibili-Sat uit 'n penarie gered:

http://eepublishers.co.za/printarticle/hans-08-space-and-beyond.html

Nou ja... lekker om so bietjie te kyk na 'n paar van die "hard-core" ouens by wie mens kon leer en raak opgewonde as mens sien hoe nuwe tegnieke vorentoe ontwikkel.

Perdjie ry saam met Tannie Liesbet

2011-12-15T10:50:00.000+02:00

Kuier met Liesbet en Dirk

2011-12-15T10:47:00.001+02:00

Moet ek REGTIG met hom speel?

Ok, maar net omdat hy cool speelgoed het!

Ooit gedink...

2011-12-15T10:43:00.001+02:00

mens sal se jou eie kind lyk soos 'n duiweltjie? Veral as hy nog net 5 en 'n half maande oud is?

Cowboys moet ook slaap

2011-12-12T21:02:00.002+02:00

En eet..

2011-12-11T19:45:00.001+02:00

Maar appelkose en patat smaak beter. Dink ek.., nog nie so mooi seker nie.

Speel...

2011-12-11T19:41:00.001+02:00

Wil iemand 'n ROOI bal hê?

Of 'n perse

Die perse is cool

Mens kan dit eet ook

Swem!

2011-12-08T15:43:00.001+02:00

Vincent se eerste swem-ervaring. Dit was groot pret!

Sinterklaas

2011-12-08T15:41:00.001+02:00

So vier ons Sinterklaas.. en die tafel word elke jaar langer!

Vanjaar 3.8 nuwe babas by.

V&B

2011-12-08T15:39:00.001+02:00

Nefies en hopelik maatjies

Slanghoed

2011-11-28T21:29:00.001+02:00

Vincent is so 'n gelukkige knapie. 'n Mens kan enigeiets met hom aanvang, en hy speel lekker saam. Behalwe as hy moeg of honger is...

Vooruitgang

2011-11-22T19:30:00.001+02:00

April

Mei

Augustus

November

Siekbed

2011-11-22T19:19:00.001+02:00

Ek en Riaan was altwee siek met 'n verkoue-tipe virus vir so 5 dae. Nie te maklik met 'n kleintjie nie. So het ek en Vincent groot dele van die dag spandeer.

Ons maak reg vir Kersfees

2011-11-22T19:16:00.001+02:00

Vincent leer twee hande vat

2011-11-22T19:15:00.001+02:00

Sommige dinge moet maar net met twee hande aangepak word.

kinners

2011-11-22T19:09:00.001+02:00

Net so twee fototjies van Vincent se maatjies

Dirk hou van Vincent se bandana

En Colyn wonder waar is Dirk se bandana?

Lyk of ons ondergronds gegaan het...

2011-11-21T21:01:00.001+02:00

.... want hier is nog 'n video...:

TED: Alexander Tsiaras - Conception to birth

2011-11-19T18:42:00.001+02:00

Alexander Tsiaras: Conception to birth -- visualized | Video on TED.comHierdie is 'n ongelooflike video. En ek dink hy som my gevoel oor die geboorte proses baie mooi op! Ek is nogsteeds in verwondering oor dit alles.

Hudson Musiek Video

2011-11-19T18:33:00.001+02:00

Nogal 'n oulike musiek video....

Hudson - Against The Grain from Dropbear on Vimeo.

Grande Roche

2011-11-06T18:34:00.000+02:00

Ons het lekker Sondag oggend gou 'n ontbytjie gaan eet by die Grande Roche hier in ons ou agterplasie.
Wat 'n deftige afêre. Maar die kos (omelet) en koffie was goed, uitsig great en geselskap van uitstaande gehalte... so ons sal weer gaan!

Tea Under the Trees

2011-11-01T21:13:00.000+02:00

Die weeklikse Doorduin - Van Daalen uitstappie was vandag na 'n pragtige plaas in Noorder Paarl - waar mens onder massiewe akkerbome in 'n baie mooi groen en welige tuin kan sit en tee drink. (Hulle het koffie ook - ons het dit probeer net omdat dit baie belangrik is om te weet hoe elke plek waareen ons gaan se koffie smaak. Ek was dom genoeg om 'n cupochino met room te vat - meer room as koffie). Daar is baie baie soorte tees, though - en by 'n plek met die naam Tea under the Trees, moet mens seker eerder die tee vat.

Ons kinders het bietjie rose gekyk en geruik, en ek moet so baie fotos post want hulle is net almal SO mooi!

Pa en seun

2011-11-01T21:06:00.001+02:00

Aaag is dit nie 'n pragtige fototjie nie?? Al kyk Vincent vir sy ma en nie vir die kamera nie.

Juno's middagete saam met die Bootsma's

2011-11-01T21:04:00.002+02:00

Dit was die Bootsma's se tweede laaste dag in Paarl, en ons het 'n stappie gaan maak in die hoofstraat af om die tafels te sien wat vir Cultivaria gedek sou wees (het ek gedink). Nadat ons 'n redelike entjie van Riaan se werk af gestap het, en by die Cultivaria kantoor gaan inloer het, kom ons toe agter die etery was reeds Donderdagaand, en nie Saterdagaand soos ek gedink het nie. Toe gaan lunch ons maar by Juno's.

Vincent het die Cultivaria tydskriffie van voor tot agter deurgelees.

Nog 'n suurlemoen-episode.

Nuwe ervaringe..

2011-10-26T19:26:00.002+02:00

Met my nuwe nartjie-keppie (ok, tweedehands, maar nuwe tweedehands). Ek probeer baie hard om self regop te sit. Ma help nie regtig eintlik nie, dit lyk maar net so.

Ma, wat maak jy??? Dis mos nie melk nie!

Mm, eintlik nie so sleg nie..

Ek en Oupa

2011-10-26T19:19:00.001+02:00

SABC 2's Riaan Cruywagen Remix...September 2011

2011-10-26T18:56:00.000+02:00

Kuier met Ouma en Oupa

2011-10-23T20:16:00.002+02:00

De magtige koning van storm en van wind is de Arend geweldig en groot...(mmm, en een klein)

Laggies

2011-10-23T20:13:00.003+02:00

???

2011-10-23T20:09:00.003+02:00

Hare? Wats dit? Kan mens dit eet?

Red Tape

2011-10-22T21:20:00.002+02:00

Ons wil graag vir Vincent aansoek doen vir sy Hollandse en SA paspoorte (net vir ingeval ons ewe skielik besluit om 'n wereldtoer te maak).
Die vorms wat ons moet invul is die volgende:
1) Application for Birth Certificate
Dis nou vir 'n onverkorte weergawe, want die tillslip wat mens by die hospitaal kry, tel nie by die Hollandse ambassade nie. Ok, so dit maak sin.
2) Vault Copy
Die een maak glad nie sin nie, want die info daarop is PRESIES DIESELFDE as wat ek op vorm nr 1 moet invul. Ek moet net bo die blokkie tick wat se vault copy ipv die ene wat se unabridged certificate.
3) Notice of birth
Maak ook nie sin nie, Riaan het dit reeds in die hospitaal ingevul.
4) Die weirdste een van alles - 'n Affidavit vir die late registration of birth. Huh???
Vraag nr twee op die vorm lui: I declare hereby under oath that I remember the event well, because....
My antwoord: It was long and painful.
'n Justice of the Peace (wat ookal dit is - klink vir my na 'n Christus figuur) of Commissioner of Oaths moet ook hierop invul en teken. Ek hoop hulle verskaf die persone by binnelandse sake, want ek gaan wragtig nie op soek gaan na hulle ook nog nie.

En hoekom vra hulle op elke vorm mens se ID nommer en net daarna jou geboortedatum?

Ek haat vorms.

Ons het 'n baie oulike paspoortfototjie van Vincent laat neem, though.

Soos Riaan se: Wanted - for stealing our hearts.

Dis die tipe wasbakke wat mens moet hê!

2011-10-20T15:05:00.000+02:00

Speeltyd voor badtyd

2011-10-16T21:43:00.002+02:00

Eet, drink en laat dit bymekaar pas

2011-10-16T21:40:00.003+02:00

Vrydagaand was 7 (+2) van ons hier bymekaar vir 'n "food and wine pairing". Ek en Liesbet het die kos gemaak Vrydagmiddag, so tussendeur die twee kinders. Hulle was modelletjies en het hulleself sooo mooi besig gehou - en al die kos was op tyd klaar. \

Ons het 7 geregte en 7 wyne gehad:
'n Capreze slaai saam met 'n Sauvignon Blanc, Aartappels, roomkaas en avo saam met 'n gehoute Shardonay, sampioenrisotto saam met 'n Viognier, lam en roosmaryn saam met 'n Cabernet Sauvignon, en Jambalaya saam met 'n Shiraz. Dan was daar 4 verskillende kase ook saam met bogenoemde wyne, en om af te sluit, twee soorte sjokolade (melk en donker) saam met Special Late Harvest en Brandewyn.
Dit was baie interessant om te proe hoe sekere geregte 'n wyn wonderlik kan laat smaak, en ander kombinasies 'n baie goeie wyn na slootwater kan laat proe. Die wenner van die aand was die Viognier, wat baie goed saam met die risotto gepas het en die mees veelsydige wyn was.

Al die maatjies het oorgeslaap (die beter opsie na so baie wyn) en Corne en sy koffiemasjien het ons Saterdagoggend wakker gekry. Na die kinders se slapie is ons mark toe vir 'n vinnige ontbyt, voor almal weer koers gekies het vir die res van hulle naweek.

'n Baie lekker kuier!

Ben Goldacre: Battling bad science | Video on TED.com

2011-10-07T21:51:00.000+02:00

Ben Goldacre: Battling bad science | Video on TED.com

2011-10-07T15:59:00.000+02:00

Vincent en Benjamin bond 'n bietjie.

High tea by Hillcrest

2011-10-07T15:57:00.002+02:00

Hulle high tea is definitief die moeite werd! Kom honger.

Vincent en Gans

2011-10-04T20:49:00.004+02:00

Vincent en Oupa lees koerant

2011-10-04T20:48:00.001+02:00

'n Heel gewigtige saak. Eers rustig en ontspanne, toe met
aandag en konsentrasie (en 'n bietjie drool van Vincent se kant). Die krane-uitsoekery het baie spannend geraak!

Laaste Doorduin troue

2011-10-04T20:45:00.004+02:00

Vir 'n hele lang ruk, ten minste! Pa Arend en Ma Hannatjie het vir my baie verlig gelyk toe die ene ook suksesvol verby is.
Johan en Bianca het Vrydag 30 September by 3 Flavors gastehuis net buite Pringlebaai getrou. Dit was pragtig - die troue was 5:30 pm, net so voor sonsonder en die lig op die berg was baie mooi. Dit is nou die eerste troue waarvan ek weet waar die bruidspaar omtrent al die kos self gemaak het! Van met lap-toegedraaide hotdogs tot by kase wat omtrent van die bordjie af oor die tafel af geloop het, was alles keurig gedoen en baie smaaklik.

Dit was Vincent se eerste groot sosiale geleentheid, en hy het aan die begin gedink dit is baie erg as mense met hom praat en aanmekaar 'n lang bibberlip getrek. Later het hy agtergekom dit is eintlik lekker, en teen Saterdagoggend se ontbyt was hy heel gesellig.

Vincent en Iefke leer ken mekaar

Sondag het ons vir Vincent in die kerk ingeseen/opgedra/ge-"dedicate". Dit was 'n mooi geleentheid, en ons is baie bevoorreg dat ons dit sommer op dieselfde naweek kon doen en dat die Van Dijks uit Holland ook daar was. En natuurlik ons eie gesinne. Ons sê nog elke dag vir ons Vader dankie vir so 'n pragtige seuntjie. Mag ons deur Sy genade hom opvoed dat hy 'n gelukkige en selfstandige man sal word wat die Here liefhet met sy hele hart.

Hillcrest Berry Orchards - 'n babavriendelike kuierplek

2011-10-04T20:09:00.001+02:00

Ek en Liesbet het 'n standaard weeklikse kuier met ons kindertjies - dit behels gewoonlik koek-en-tee of ontbyt iewers. So probeer ons al die plekke tussen Kuilsrivier en Paarl uit. Laasweek se keuse was Hillcrest - en ons was so beindruk dat ons sommer more weer soontoe gaan. Lekker rustig, 'n baie wye spyskaart, en 'n babakamer vir doeke ruil.

More doen ons High Tea..

Stroop wafels

2011-10-01T20:45:00.001+02:00

Vincent se nuwe gunsteling voeding...

Sussies en Nefies

2011-09-26T21:38:00.000+02:00

Ons en ons babas!
Die verskil tussen 'n 11 weke baba en 'n 1 week baba. Vincent het by Benjamin kom speel, maar Benjamin wil net slaaaaap!

M.Sc.Ing, soek V.rou

2011-09-18T20:46:00.000+02:00

Wat soek 'n vrou in 'n man? Wel... laat ons nie die vroue lesers van ons blogs teleurstel nie:

1. Looks: Almal wil 'n "Sjarmante Prins he!":

2. Handig in die kombuis: (Voorbeeld van 4 uur potjie op die stoof! Mmmmmm! En ons het ook nie van die beskuit vergeet nie!)3. Hy moet haar kan beskerm: (Check net met watter "gym" toerusting oefen hy!)4. Visie: Met 91 speels (9.2m apperture) tot sy beskiking is 'n aandjie onder die sterre nie 'n probleem nie...5. Hy kan jou met jou rekenaar help: 'n Man moet weet hoe om die regte knoppies te druk.

Belangstellendes: Stuur asb julle aansoek via die komentaar.

Sutherland Naweek

2011-09-18T19:43:00.000+02:00

Laasnaweek het ons die eerste keer 'n naweektrippie met Vincent aangepak wat nie na Oupa en Ouma in Pringlebaai was nie. Ons het vir Keith in Sutherland gaan kuier. Die doel van die uitstappie was tweeledig - om by Keith te kuier en te sien waar hy woon en werk, en om die blomme in die Karoo te gaan kyk.

Saterdagoggend het ons tydsberekening baie mooi uitgewerk - klaar ingepak was Vincent net mooi op oggendslapietyd, en het heelpad tot op Ceres salig in die kar geslaap. Dit moet baie snaaks wees vir babas om op een plek aan die slaap te raak en dan heeltemal op 'n ander plek wakker te word. Ek wonder hoe beleef hulle dit.

Anyway - lekker by die Murrays gekuier, en vir Vincent moeg gespeel. Toe sy koppie weer knik hom vinnig ingelaai en verder gery. Hy het geslaap tot op Sutherland.

Ons het baie mooi blomme oppad gesien - heuwels vol pers met oranje en wit kolle.

Oral waar mens kyk was dit pers van die vygies.

Die wit en roomkleur blomme was ook mooi

'n Mooi kliprand
'n Interessante pan..
Ons wou graag 'n mooi foto van Vincent tussen plate blomme geneem het, maar was op die ou end te chicken om hom wakker te maak oppad. Hierdie is naby SALT, ons het Sondag gou 'n draai gery, en net vinnig by 'n paar blomme uitgeklim want daar het 'n vrek koue wind gewaai.

Saterdag met sonsonder het ons 'n vinnige stappie gemaak. Die wind was ysig koud en Vincent het nie so baie daarvan gehou nie, so ons het maar omgedraai en nie ons beplande sirkel gestap nie. Wel mooi uitsig op die teleskoop gekry, en gesien hoe die dak oopmaak.

SALT aan die binnekant. Die spieels is 1m in deursnit, en konsentreer die lig op die CCD. Daar is 'n hele spul van hulle, en net 4 spares. Die spesifieke spieels kan nie meer gemaak word nie, dit was te duur om die mold te hou, so as die 4 spares breek, moet die hele ding oorgedoen word!

Keith het ons 'n volledige toer gegee Sondagoggend. Dit is baie scary om op die walkway 3 verdiepings op aan die binnekant van die gebou rond te stap. Keith het ook die hele struktuur laat draai toe ons daar staan. 'n Baie aardige gevoel!

"Life with Vince"

2011-09-11T20:23:00.000+02:00

'n Paar fototjies van die laaste week of twee. Life with Vince, soos Yolandi dit noem!

'n Lekker bad saam met Pa

'n Lekker slapie by Ouma

'n Kuiertjie met tannie Rika

Donderdag was soooo warm. Ons het uitgekamp in die tuin - dit was 'n smakie van wat die somer vir ons te wagte is. Ons het die kinders omtrent uitgetrek en in hulle frokkies laat lê. Die mammas het lekker gekuier, hopelik sal die babas ook binnekort lekker met mekaar kuier!

Dankie Oom Piet en tannie Thea vir my geskenkies van Holland!!

Ons klein beach baby

2011-08-31T10:18:00.000+02:00

Dit is amazing om te sien hoe vinnig so 'n babatjie nuwe dinge leer. Hy gesels elke dag meer, en is besig om sy hande te ontdek. Dis so oulik!

Nog 'n lekker slaap-posisie

2011-08-31T10:16:00.000+02:00

Vincent met sy nuwe speelgoed

2011-08-31T10:14:00.000+02:00

Ons het'n baie lekker shopping trip gehad saam met Liesbet en Dirkie - Toys R Us, Baby City en Kids Emporium. En ons het vir mamma baie speelgoed gekoop waarmee Vincent ook kan speel. :-)

Die babas van die huis

2011-08-31T10:11:00.000+02:00

Die kat is net soos 'n ouer sussie wat ook moet aandag kry wanneer Vincent aandag kry!

Dit sorg vir 'n cozy voedingstyd!

Liesbet se verjaardag

2011-08-31T10:09:00.000+02:00

Twee naweke terug het ons weer lekker by die van Daalens gekuier vir Liesbet se verjaardag. Die variasie koek (alles selfgebak in die vroee oggend of middernagtelike ure wanneer Dirkie slaap) was baie indrukwekkend!

Pappas en seuntjies

Liesbet met Dirkie en Telani met Vincent

Noodhulplesse

2011-08-29T16:24:00.000+02:00

Liesbet het twee naweke terug vir ons 'n baie oulike noodhulpklas aangebied. Hopelik kry ons dit nooit nodig nie, maar dit is goed om te weet.

'n Lap aap en 'n lapskaap was die gewillige demonstrasie en oefenmodelle.

Terugblik op die verlede

2011-08-28T13:22:00.001+02:00

Met kleintjies is mens mos maar geneig om bietjie terug te dink aan dinge in ons jeug. Dus toe ek vandag 'n nuusbrief hier lees van Laerskool Courtrai (www.courtrai.co.za) en Paul McCartney se "We All Stand Together!" gekombineer met Rupert die Beer sien, het dit baie herinneringe teruggeroep. Ek het die video op You tube opgespoor....

Die mooiste seuntjie

2011-08-20T17:15:00.000+02:00

Sleeping on the job..

2011-08-20T17:01:00.000+02:00

Hy gaan ons eendag sue vir die ene!

So slaap mens...

2011-08-20T16:58:00.000+02:00

By die ander Ouma!

Nefies

2011-08-20T16:53:00.000+02:00

Juan Adriaan van den Dool (gebore 25 Julie), en Vincent Arend Doorduin (gebore 4 Julie). Sulke groot name vir sulke klein dingetjies. Keith het vir Vincent "Doordingetjie" gedoop. Dan is Juan seker Dooldingetjie! Ek kan nie glo Vincent was ook so klein soos Juan nou is nie!!

Wynproe by Laborie

2011-08-11T12:48:00.000+02:00

Mens kry darm ook baie tyd om lekker dinge te doen, saam met 'n babatjie. Dis lekker om altyd 'n companion te hê, al kan hy nog nie dinge soveel waardeer nie! Hy het darm seker bietjie van die wyn deur sy melkies ingekry, ek wonder of hy daarvan gehou het. DAlk is dit hoekom hy gisteraand omtrent sy hele voeding uitgespoeg het!

Ek en Vincent en Ouma Marti het by Laborie hulle nuwe sjokolade en wynproe gaan doen. Dit is nogal aan te beveel! PRagtige dag, mooi uitsig, en lekker wyn en sjokolade! Wens net hulle was nie so suinig op die sjokolade nie...

Kuier met familie

2011-08-09T12:31:00.000+02:00

Die twee moet bietjie oefen, siende dat klein Vossie in November aankom. Mm, moes hulle eintlik laat doeke ruil het!

Dankie aan die Hollandse familie vir die super cute kleertjies, Vincent lyk so mooi daarin!

So slaap mens by Ouma..

2011-08-09T12:29:00.000+02:00

Ek en my ma kuier bietjie op my speelmat!

2011-08-09T12:28:00.000+02:00

'n Paar fotos deur Brett

2011-08-03T14:15:00.000+02:00

Na 'n lekker ete (ons eerste uiteet vanaf 5 Mei) en kuier by Hillcrest Berry Orchards, het Brett vir ons 'n paar fotos geneem.

Die een is op tannie Ronel se maag - Vincent en Benjamin wat hulle eerste chat het

Scientific Progress goes Boink

2011-08-02T20:53:00.000+02:00

Ons het vandag Vincent se Potty Training equipment gekry... Kan nie wag vir die laaste doek nie...

So slaap mens

2011-07-31T20:28:00.000+02:00

Switch

2011-07-31T09:24:00.000+02:00

Vaak...

Wakker

Eerste bottel

2011-07-23T20:12:00.000+02:00

Pappa kan ook kos gee!

Maatjies

2011-07-23T20:11:00.000+02:00

Saam met klein Colyn en Dirkie - besig om die wêreld se probleme op te los!

Badtyd

2011-07-23T20:05:00.001+02:00

Vanoggend moes ons vinnig 'n bad-geleentheid inwerk.. noodgedwonge. Ek sal nie verder uitbrei nie! Dit was toe eintlik 'n heel lekker bad - die aan en uittrek is altyd sleg, maar verder was die mannetjie heel happy.

Hierdie kan dalk net 'n klein klein bietjie lekker wees...

Maar ek is nie altyd so seker nie.

Lekker skoon, knuffeltyd!

Kuier by Pringlebaai

2011-07-19T17:11:00.000+02:00

Kuier by Oupa en Ouma Pringles

Ons het die wrap uitgefigure!

Oom Stef en tannie Yolandi was ook daar.

Badtyd.

2011-07-13T19:32:00.000+02:00

Met die oumas hier het my ma dit gewaag om die bad-ding aan te pak. Dit was toe glad nie so sleg nie.

Trotse oumas

2011-07-13T19:29:00.000+02:00

Hier kort nou nog 'n foto van die ander ouma, ai tog. Ons sal dit so gou moontlik regstel.

Iets gee my die idee my bene is te kort...

2011-07-13T19:25:00.000+02:00

Kommunikasie

2011-07-11T11:29:00.000+02:00

Aan almal wat vir klein Vincent wil verwelkom in die wereld: Sy pa het dit goedgedink om 'n paar maande terug al vir hom 'n eposadres te skep: vincent.doorduin@gmail.com

Julle kan vir hom mails stuur, en hy sal dit eendag kan lees as hy groot genoeg is. Daar is al 'n paar baie oulike boodskappe van die familie in Holland! Dankie julle! Ons waardeer dit baie, en ek dink dit gaan vir hom super cool wees om dit te lees wanneer hy eendag oud genoeg is (wat sy pa reken is al so op 4). Kyk, die mannetjie moet begin gras sny en help met houtwerkdinge!!

Van my kant af..

2011-07-11T08:52:00.001+02:00

'n Paar fototjies - mens kan darm nie genoeg kyk na so 'n klein, perfekte babatjie nie. En as dit nog joune is ook, dan kan mens maar net heeldag kyk. Dit is wat ek doen op die oomblik terwyl my wonderlike man baie mooi vir ons sorg en al die huishoudelike take en admin doen (plus nog 'n bietjie tyd by sy werk spandeer), ek kyk vir my baba. En huil elke nou en dan so bietjie omdat hy so mooi is! Maar hulle se 'n mens mag maar.

Dis as hy my so stip aankyk, dat ek maar 'n paar trane kry.

Met 'n pragtige kleertjie van sy familie uit Holland

Hy lyk heel gelukkig by sy tannie! Wat binnekort vir hom 'n nefie gaan verskaf. Seker die dat hy so bly lyk!!

Vincent by die huis

2011-07-10T20:27:00.000+02:00

Lekker om so ou ekstra asempie hier te he. En yes, alhoewel hy meestal rustig is, is daar niks fout met daai asempie as hy ongelukkig is nie: Hy sal vir Paverotti 'n go gee!

So, ja dinge beweeg lekker rustig hier en hier is so paar fotos:

Vincent Arend Doorduin - Eerste dae...

2011-07-10T13:30:00.000+02:00

04/07/2011
Vincent Arend Doorduin is vanoggend om 23:43 gebore. Dit was inderdaad 'n klomp werk van Kari se kant af, maar saam met die doktors en span het klein Vincent gesond die lewe binne gekom:

'n Volle 3.6kg. Hier is die bewys:

05/07/2011
Die eerste daggie was lekker. Al die SMS'e en groete. En die Oumas en Oupas het ook kom kyk!

Is hy nie pragtig nie?

06/07/2011
En toe is dit tyd om huistoe te gaan... Daarvoor het ma vir hom 'n spesiale pakkie saamgebring!

07/07/2011-
Nou is ons tuis! Dankie vir almal wat so kom inloer het! Dankie vir almal wat boodskappe en seenwense gestuur het! Dit beteken vir ons baie.
Nou moet Vincent net lekker groei en die ander nefies en niggies ook dat hulle lekker vinnig kan saam speel!

Watch this space!

2011-07-08T20:34:00.000+02:00

Meer binnekort! (Story and pictures to follow)

Uitstappie in die reen

2011-07-02T13:33:00.000+02:00

Liesbet kom kuier met Dirkie, en dit reen, maar ons is nie bang nie, en gaan kyk na 'n plekkie baie naby aan ons huis waaroor ek al 'n lang tyd wonder. Ons ry eers tot naby die venster, en sien 'n welkom bord, en 'n gas-heater. Die plek adverteer "coffee shop and deli". Ons dink dit lyk nie te sleg nie, en maak die dash in deur die reen.Dit was 'n fout. Die museumpie aan die koffiewinkel was heel oulik om een keer te sien, maar die koffie, koekies en broodjies was erg teleurstellend. Die cuppochino was van die Nescafe sakkies, die koekies was uit daai groot pakke waar daar so 100 koekies in is vir R20, en die broodjie, wel, daar was iets snaaks aan wat ons nie kon identifiseer nie. En ook nie te hard probeer doen het nie.

Nou weet ons dit ook.

Na 'n draai deur die dorp om te gaan kyk of die Hollandse slagter krokette en ander interessante dinge het, en om nog 'n koffieplek te gaan soek, kies ons maar eerder die veilige opsie en kom drink tee by die huis voor 'n kaggel. En sodat Riaan bietjie kan oefen met Dirkie hoe om 'n baba vas te hou.

Pamper-dag by Sante

2011-06-28T16:44:00.000+02:00

Kleinboet het ons darm nog tyd gegee om 'n ma-en-dogters pamper dag by Sante Winelands Spa in te pas. Dit was 'n heel luukse ervaring! Die terapeut wou my net nie eintlik meer masseer nie - ek dink sy was baie bang ek kry die babatjie net daar! Sy het darm bietjie kop en voete gevryf (ekt maar nie vir haar gese daar is trigger punte op mens se voete wat die baba ook kan laat kom, volgens die refleksiologie-ouens nie!) met 'n kersie waarvan mens die was kan gebruik - blykbaar is olies redelik uit van 6 maande af. Ons het die uitstappie afgesluit met lekker koffie by Backsberg.

Afwagting!

2011-06-27T13:55:00.000+02:00

Baba-tee

2011-06-17T16:24:00.000+02:00

Dis darm lekker as 'n vriendin mens so verras met 'n Tea for Two! Amptelik my babatee, georganiseer deur Liesbet.

Die kat sit in die bad

2011-06-17T16:15:00.000+02:00

Mia hou ook van die idee dat ons nou 'n bad het. Sy verkies hom sonder water.

Moedersdag

2011-06-17T16:00:00.000+02:00

Moedersdag was 'n groot kuier by ons - Riaan, Adri en Mieke, Lise, Yolandi en Stef en J & B, ons het julle gemis!Op al die nuwe lede wat die jaar by die familie gevoeg word!

Hierdie moet mens beslis afneem - al die manne aan't werk in die kombuis!

Twin tummies!

Namibie-wegbreek

2011-06-15T09:03:00.000+02:00

Ons het 'n hele ruk terug, voordat ons geweet het dat ons gaan trek, afgespreek met twee stelle vriende van Windhoek om hulle oor Paasnaweek by Ais-Ais te kry. So nadat Riaan sy eerste dag verlof by die nuwe werk gereel het, en ek die kat vir die eerste keer in haar lewe by 'n kennels gaan aflaai het (hartseer!), kies ons koers Noord. Ons het effe later weggekom as wat ons gereken het, en eers eenuur die Donderdagnag by Kammieskroon gestop. Gelukkig is ons huisie in die bakkie, en ons het net gaan tande borsel en in die bed geklim. Volgende oggend (met stormsterk koue wind wat die bakkie rondruk) vroeg uit die vere en die R140! vir ons halwe naggie se slaap gaan betaal. As ons geweet het dit is so duur om daar te kamp, sou ons net buite die dorp langs die pad getrek het!By die grens het ons besef SA is 'n eerstewereldland teenoor Nam. Ons is in 'n kwessie van 'n paar minute deur die SA kant, en moes 2.5 ure lank by die Nam kant staan. En dit was WARM! Ek het sterk bedenkinge begin kry oor wat ons by 'n warmwaterbron gaan soek! So vieruur se kant was ons by Ais-Ais. Hulle het die plek regtig mooi reggemaak vandat ons die laaste keer daar was (toe ons begin uitgaan he

t, al 5 jaar terug!). Al die lekker boomstaanplekke was reeds gevat, so ons het 'n klein boompie uitgekies, en na 'n goeie deurstap op 'n ander boom besluit. Maar nog nie regtig uitgepak nie, want ons was redelik seker dat ons Namibiese vriende op 'n ander boom sou besluit.

Na 'n roomystrip kafee toe, moes ons 'n couple wat nie besef het die feit dat die bakkie op die staanplek staan beteken dat die staanplek gevat is nie, mooi vra om hulle tent asseblief na 'n ander staanplek te skuif. En toe kies ons vriende in elk geval, soos ons gedink het, later 'n ander boom! Eintlik 'n baie lekker staanplek reg aan die minder gegoede deel van die kamp, langs die buiteswembad enbietjie uit die gedrang van kampeerders.

Dit was 'n heerlike rustige paar dae - alhoewel dit meestal in my boekies heeltemal te warm was vir die warm water! Die riviere, veral die Oranje, was baie hoog - ons het 'n Auzenkehr trippie gemaak om vir my familie te gaan kuier, wat toe nog nie daar was nie, en gesit en kyk hoe kom die geweldige klomp water reg voor die lodge verby. Ook gaan kyk hoe lyk die samevloeiing van die Vis en die Oranje. Nie so spektakuler soos wat ons gedink het nie, maar wel interessant. Daar het 'n vreeslike klomp water verbygekom met die baie reen, en die laagwaterbruggie moes heeltemal onder water gewees het op 'n stadium. Hulle was besig om tonne sand te skuif met 'n stootskraper. Daar het al motors oor gery, maar ons het dit maar nie gewaag nie.

Volgende dag het ons almal na die uitkykpunt by Hobas gery, vir fotos met die canyon in die agtergrond.

Die Doorduine

Die manne

Die Fouries

Die Krugers

Daarna by die Roadhouse gaan kyk. 'n Ongelooflike interessante plek, deel van die Gondwana collection, wat met ou motors, 'n hele ou pompstasie wat as die bar dien, en allerhande ander ou parafenalia ingerig is. Nogal die moeite werd om by 'n draai te maak as mens ooit in die omgewing is!

Dit was 'n heerlike vakansietjie, en ons was baie verbaas toe ons die aand 9uur terugkom in 'n koue, nat Paarl met sneeu op die berge!

Die groot trek

2011-06-13T12:34:00.000+02:00

Ek is so bly dit is verby!! Trek is nie pret nie.

Die klavier is die heel moeilikste en swaarste ding wat ons het om te trek. Gelukkig kon ons hom aan iemand verhuur vir die tyd wat ons nog nie in ons eie huis is nie. As kleinboet later 'n liefde vir musiek begin ontwikkel, sal ons hom maar weer terugvra!

Met die hulp van 'n klomp hande (ouers en skoonouers) en Steven se skaaptrailer, kon ons die grootste deel van die trek op een slag oplaai.

Ek dink dit is die heel effektiefste wat iemand nog ooit 'n flatbed gepak het!

Die nou padjies van 'n sekuriteitskompleks is nie skaaptrailer-vriendelik nie!

Baie versigtig agteruit..

Dankie

2011-06-13T12:24:00.000+02:00

Dankie aan ons landlords, die Steyn gesin, vir 4-en-'n-bietjie heerlike jare op hulle plaas!

Laaste paar dae op Soutfontein

2011-06-13T12:09:00.000+02:00

Dis altyd hartseer om van 'n plek af weg te gaan waar mens 'n tyd van jou lewe spandeer het. Vir altwee van ons was Soutfontein die plek waar ons die langste gewoon het vandat ons uit die huis uit is. Ons mis die stilte, die spasie, die mistige oggende, die pragtige sonsopkomste en sonsondergange. Ons mis dit om op die stoep te sit en te kyk hoe kom die maan oor Kasteelberg op. Ons mis die lammertjies, en groen jassie van die nuwe koring wat die vaal veld weer nuut maak. Daar is baie goeie goed aan Paarl, maar 'n stukkie van ons harte sal maar vir altyd op Soutfontein agterbly.

Uiteindelik!

2011-06-06T20:58:00.000+02:00

Ons het weer ordentlike internet en nou kan ons begin opvang op alles wat ons nie op die blog gesit het die afgelope maande nie.

Watch this space!

Anglisismes

2011-05-22T19:49:00.000+02:00

Dalk onthou van julle nog so dik bybel genaamd "Afrikaans my taal". Sjoe... as my kleurblindheid my nie in die steek laat nie was dit so vaal groene... Daar was 'n hoofstuk met iets oor anglismes. Nou ja... ek onthou bitter min van die lesse, behalwe dat Mnr. Riaan van Lill, 'n paar oulikes gehad het wat my nogsteeds bybly. Elke keer as ek 'n soortgelyke een hoor dan kan ek nie help vir Mnr. van Lill aan te haal nie: "Sopas ge-arriveer by die busstop op die paffement..."

So SMS skoonma my 'n artikel in Die Burger (17/03/2011): "geprivilegieerd"...
Nouja... :-)

Welgevonden 40 se vuurmaakplek

2011-05-22T19:47:00.000+02:00

Ons het 'n rustige naweek gehad, nie te veel gedoen nie, net Saterdag oggend gou 'n koffie met Bob gaan drink. Paar fittings gaan koop en die wasmasjiene opgekoppel, by Guillaume en Christine gaan middagete ge-eet en plaas verken, Starwars se laaste episode gekyk. Sondag oggend kerk toe, 'n fliek waarteen die kerk waarsku gekyk, internet moontlikhede ondersoek en....
... die kaggelvuur ingelyf met heerlike rooiwyntjie...

Cool Baba Apps

2011-03-13T21:27:00.000+02:00

Yep, die geboorte ding bly tog maar 'n wonder en ek is elk keer met 'n nuwe stukkie vordering in bewondering oor alles wat aan die gebeur is met ons nuwe kleintjie en sy Mamma!

Gelukkig vir Pappa staan die tegnologie ook nie terug vir enige iets nie. So het ek op die volgende app afgeklom wat hopelik gaan help met al die timing en so...

Hier is die link na 'n blog wat skryf hoe ding inmekaar sit.
http://victorpalau.wordpress.com/2010/05/16/free-symbian-app-baby-countdown/

Nuwe fototjies van ons skaam seuntjie

2011-03-13T14:57:00.000+02:00

Die tegnologie is darm amazing!

Een van die mooiste plekke in die wêreld

2011-03-12T14:57:00.000+02:00