Steenbraspoele

Sondag oggend 'n na 'n lekker Elim troue, voor ek nog wakker geword het gereel dat ons by Steenbraspoele gaan stap. Lekker deur die vaak kom ek darem wakker daar aan en sluit aan by Pa-en-Ma-van den Dool. Dit was 'n lekker stappie en die fotos getuig daarvan!

Daan en Lisa Trou

Daan en Lisa het op Elim getrou...
Lekker makiti!!

Kersfees

Liewe Vriende en Familie

Ons wens almal 'n geseende kerstyd toe en dat Vader julle ryklik in die nuwe jaar mag seen!

Groete
Riaan en Kari

Riebeek Kasteel: 13 Oktober 2007

9:30 het ons almal by die Gerry se plaas begin stap. Ons was omtrent so 21 mense wat die lekker stap aangepak het, as deel van een van die BKSA se klim items.

So omtrent 11:00 was ons by die halfweg stop en daarvandaan met 'n hop-skip en 'n jump is ons bo so 12:00. Die bobejane wat ons oppad gekry het, het ons maar ge-boggom dat ons die karakters laat weet dat ons wel oppad was. Die weer was baie lekker en ons het 'n heerlike tyd daarbo gehad.

Die stap af was baie vinnig, alhoewel ons effens deur 'n digte bos is, a.g.v. 'n verkeerde keuse toe ons by 'n krans af is. Ons was nietemin al onder teen so 13:30.

Dankie aan almal wat saamgekom het. Was baie lekker!

P.S.
Na die tyd terug huis toe en het ons lekker met die uitsig op Riebeek-kasteel berg gebraai en kuier in die amper-laat-somer lig

Sutherland

Net so toets foto van die sterrewag op Sutherland.

Vadersdagnaweek: 15-17 Junie

Dit was 'n gesinsnaweek, met al2 ons gesinne om die beurt. Die Doorduin-ouers het 'n bietjie meer van ons tyd gekry, van Vrydagaand-Sondagoggend, maar ons het woes gekuier met die Dool-kant Sondagmiddag om op te maak.

By Pringlebaai is ons bederf deur Pa Arend Vrydagaand met 'n alles-uit-pa-se-hand aandete. Al wat ons mog doen is om wors te braai; die gebraaide aartappels en wortel-roerbraai was sy afdeling. Selfs die koffie en die skottelgoed het hy self hanteer. Gelukkig het ons darm 'n vadersdag-geskenkie gebring ('n bottel Amaroela) wat 'n goeie afsluiting vir 'n gesellige aand was.

Saterdag was 'n skitterende stil sonskyn dag, en ons is Bettiesbaai toe om te gaan kyk hoe lyk die branders. Daar gekom bespeur ons toe 'n bekende wit Tazz met CEO registrasienommer, en Riaan is die see in om almal te gaan groet daar in die agterste linnies. Ek het maar op die strand gebly en die sleutels opgepas, aangesien net een van die borde surfbaar was op daai stadium. Ek moet sê die surfie was van korte duur, en ek was darm nie te lank alleen nie. Lyk of al die surf-spiere nog nie weer op standaard is na die troue en lang heuningmaan nie! :-)

Saterdagmiddag, aand en Sondagoggend verder bederf met lekker kos en goeie geselskap in die Doorduin-gastehuis. Ons het selfs sop, pampoenkoekies, sjokolades, blomme en marshmallows vir hot-chocholate aande saamgekry!

Sondagmiddag was dit kuier met die van den Dools, van den Dool-to-be, en die Natrasse. Dit was 'n lekker vadersdagkuier, en Pa Gerrit het omtrent 'n arm vol geskenke gekry - van kerrievis tot 'n boek oor die geskiedenis van Durbanville! Na 'n heerlike Argilla-ete deur Ma Marti (sjoe dis al wat ons doen deesdae - eet!) en poeding uit 'n blik en 'n boks en koffie uit RD se hand, het ons die res van die middag op ons sitvlakke, stuitjies en rue verder in die sitkamer verwyl. Die weer was ook al teen die tyd weer sleg, so 'n middagstappie was ongelukkig buite die kwessie. Ai! Die Doorduine moes weer 5uur se kant die lang pad na Malmesbury aanpak, want glo dit of nie, daar was NOG kombuiskaste om te gaan klaarmaak.

O ja, en net weer die naweek besef: Ons het fantastiese vaders!

Kaste-bou naweek: 8-10 Junie

My skoonpa reken 'n krat-stelsel waar mens aanmekaar 2 of meer kratte van mekaar af moet haal om by jou borde, potte en panne uit te kom, is net die ding vir 'n kombuis. Ek dink dit het iets te doen met sy liefde vir blomme en die feit dat die kratte waarvan hier gepraat word, blombolkratte is, so ek het nou nie te hard gestry nie. Ek stem egter glad nie saam nie. Dit het seker sy voordele, ek meen mens bou darm bietjie spiere elke slag as jy 'n swaar krat afhaal. En ten minste is dit in 'n netjiese stapel met 'n plank bo-op. Ek het egter gereken dat 'n slim ingenieur soos my man darm seker 'n effe meer gebruikersvriendelike stelsel kan ontwerp, en so het dit dus gekom dat ek hom sover gekry het om 'n naweek by die huis te bly en kaste te bou. Nee, ek het nie geneul nie. Net 3 keer 'n dag mooi gevra.

Dit was darm nie 'n vervelige naweek nie. Wim en Cia en Cebella het Saterdag heerlik by ons gekuier, en ons emosioneel ondersteun. Ons het ons nuwe Weber vir die tweede keer gebruik, en 'n GROOT pizza gemaak met skoonouers se pizza-plaat. Tip: wag tot die vuur effe koeler is en versprei die kole eweredig, tensy jy van gebrande pizzakors hou! Jaco het later die middag by ons aangesluit en tot Sondagmiddag gebly. Hy is effens misbruik, want twee pare hande i.p.v. een is darm baie handig as mens kasbou. Maar ons het darm vir hom kosgegee, en 'n lekker dubbelbed met 'n (nuwe) handdoek en 'n (nuwe) kombers en 'n hollandse tjoklit (jie).

Uiteinde van die saak: Ek het kombuiskaste! Ek is baie hêppy en nou kan ons maar komende naweek gaan pret hê!

Heuningmaan: 6-27 Mei 2007

Na die geseende tyd by ons troue is ek en my bruitjie oppad. Bakkie gelaai dat die diff omtrent op al wat 'n middelman skuur met fiets, surfboard en speel toerusting.

Kunje
Na so opwinde tys het ons eers by kunje gaan asemskep. In poele geswem, fietsgery en net 'n bietjie ge-groente (met beslis geen gebrek aan vleis nie).

Namtap
So klein oasis in die Cederberg wat ons so bevooreg was om te kon geniet. Wat 'n fees om geen mens vir meer as 'n week te sien en net lekker berge te kon sien en stap en klim. Ons het die eerste dag egter my kamera vergeet in die bakkie :-( en dit gou gaan haal en sommer vir Platberg ook geklim. Die tweede dag lekker die nabye omgewing geniet. Die volgende dag het ons Donkerkloof kop geklim en lekker gemiddagete daar by 'n poel. Verfris na twee dae se reen , een dag se mis en baie lees het ons Apollo peak en Apex peak gaan klim. Die laaste dag so net voor middagete se kant begin afstap en die aand weer by Kunje gaan inboek.

Ezelsbank
Na nagrus, verfrissend stort en uitsorteer vir die volgende fase van ons vakansie is ons via Op-die-berg na Matjiesrivier toe. Rustig gery en bo op Ezelsbank so entjie met die fiets gaan ry.
Lekker kamplekkie uitgekies en Kari het die heerlikste kos gemaak in 'n al sterker Noorwes wat later fiets en bakkie oor die krans wou waai. Ons soek eerder 'n windstiller plek en besef uiteindelik dat ons wind vir 'n vreeslike helling geruil het... ai...
Die oggend vinnig kajuitraad oor hoe die reen beplanning in die wiele gery het besluit ons dat die in die Karoo nooi reen nie. Met dit ingedagt suiker ons dood luiters na Sutherland....

Sutherland
Oppad na Sutherland loer ons by Kaggakama in. Heerlike koffie (veral omdat ons dit nie self in die gietende reen hoef te maak nie, mmmm... of was dit nou oor die heerlike vuurtjie wat daar gebrand het....) en muffin.... Verder al nader aan die Ceres Karoo en daarvandaan via plaashek en plaashek en plaashek oor 'n paar stunnig binnepaaie eindig ons op in Sutherland. Daar by vriende van Johan se ouers gaan inloer... en toe sommer daar gebly.... Die Oom Carl en Tannie Sagry het ons lekker gehelp met paar interesant besoeke, nl. die Kerk, Louw Meuseum, die Sterrewag en 'n besoek aan die Oom se plaas. Nou ja, toe vlug ons van reen en kry ons toe sneeu...

Middelpos en Tankwakaroo
Die oggend redelik laterig weg in die rigting van Calvinia oppad na Middelpos. By middelpos se hotel aangeklop en sommer lekker soppie in die sonkamer genuttig! Die middig is ons af by Gannaga-pas in die Tankwakaroo. Paar interesant blomme langs die pad gekry en ongelooflike uitsigte oor die plat vlakte van die pas af. Ons mik-mik heeltyd vir kamplek en toe ons 'n pragtige plekkie amper kry is ons sowaar in die Tankwa nationale park, en dus aangewese op hulle gasvryheid vir 'n aand se verblyf. Nogal lekker daar 'n kampplekkie gekry langsaan 'n huis.

Doringrivier en Botterkloofpas
Ons laaste dag op vakansie en onsmik huistoe, maar voor dit wou ek eers kyk of mens regtig nie oor die Doring rivier kan kom as dit so reen nie. Almal waarborg dit wel die geval is, maar mens moet dit darem tog self ook sien! En wow... af by die passie en daar onder is die rivier oor sy walle. Ai, mense kan net sien hoe daar 'n paar kajakkers afgaan! Omgedraai na die skouspel en terug oor die klippers via 'n ongekaarte pad na botterkloofpas. Via pakhuispas en 'n laaste koffiestop in Clanwilliam is ons na huis...

Goeie tye!

Huweliksfees 4-6 Mei 2007!

Soos beloof.... was dit Super-Fantasies...

Die naweek het Vrydag aand begin met 'n lekker gesellig braai. Neefs uit Holland het vir ons die fees-vure aan die gang gehou en ooms en tannies het gebraai en geslaai! Lekker stories wat uitgeruil word en al die lekkers van weer ou bekendes wat weer mekaar sien! Wat 'n gesellige opwarming!

Saterdag, natuurlik die groot dag! En wat 'n dag! Sjoe... al die mense so lekker gesellig-opgewonde. Pragtige mei-dag. En die pragtigste bruid op planeet aarde! :-) Oom (aka Pastoor vlgns. JohanD...) Jurgens het 'n ongelooflike preek oor die ons twee wat vir mekaar verleentheids-wegnemer moet wees, en so Jesus se voorbeeld nastreef in ons huwelik.

Ons het die middag lekker gekuier en die aand was dit groot fees! Die famielie het regtig 'n klomp opvoerings en aktiwiteite gereel wat dit regtig 'n jolyt gemaak het!
Is ons nie bevorig met sulke familie nie!

Die Sondag oggend het ons lekker laaste ontspanne kuier-boere-ontbyt gehad met almal wat eintlik voor ons daar was. Laaste fotos geneem van omtrent almal en nogwat. 'n Hoop geskenke oopgemaak en dit was so lekker om sommer daar vir mense te bedank vir die bydraes tot ons klein begin!

Eer aan onse Hemelse Vader wat vir ons twee op hierdie lewenspad saamgeplaas het!

Bali

Vrydag 20/04/2007

Andre het my afgelaai by die lughawe amper hopeloos te vroeg, maar nietemin meer as betyds. Alles heel goed, maar ek nie gereken dat ek eers 15:00 se vlug vang nie. Elkgeval: Toe terwyl ons opstap gesels met 'n Suid-Afrikaner en hy het my darem gerus gestel, want met hierdie vreeslike taal is ek natuurlik heeltemal verward...

Hier geland en 'n man van een of ander toer aggentskap het my by die hotel help inboek. Ek weet dit nie so nie, maar ek het 'n ongelooflike wantroue in die mense hier... dit sal seker verander. Die hotel is heel belik en veral na 'n 5ster een in Jakarta is dit so bietjie van 'n aanpassing. Kan nie glo dat ek dit se nie, maar ja... dit is so... Die hotel is in 'n stegie naby een van die besigste strate. En as ek se stegie... dan ja... lyk dit soos een van daai weird plekke waar jy nie eintlik wil wees nie. Maar as jy eers by die hotel is, is dit pragtig...

Elkgeval so bietjie op en af gestap in die duisende winkels... en baie besig en almal smous iets. Darem 'n internet kafee gekry waar ek darem so net-net kon hello so met SA se mense... So 22:00 se kant na bed.

Saterdag 21/04/2007



Vanoggend redelik vroeg op en aangesterk met ontbyt. Bietjie georienteer en toe die stad gaan verken. Na Kuta beach. Deur kraletjies stalletjies etc. Verder een of ander ou my omgepraat om na een af ander ander hotel te gaan vir 'n prys wat ek gewen het, maar dit was natuurlik alles nonsens.... toe stap ek maar aan na nog 'n strandjie waar hulle die boot trippies na Kuta Reef toe maak. Nou weet ek ook waar dit is. Die hotel is redelik sentraal so ek kan darem orals heen stap. Dit neem wel tyd, maar die het ek mos in oorvloed. Middagete by 'n shopping mall 'n paar broodjies gekoop, waarna ek terug hotel toe is om my surfboard te gaan kry.

Kuta beach is 'n vreeslike lang strand. En dit is waar meeste mense kom surf. So redelik crowded, maar daar is so baie waves om te vang, dat niemand moeilik raak nie. Die water is flippen lekker en ek het so amper twee ure ingebly. Toe begin dit donker word en weerlig. Ek was al soortvan oppad uit toe dit begin reen. Laat mens baie dink aan die reen in transvaal. Gestort en bietjie gele en lees. Daarna net gaan stap lang strand. Vir laaaank....

So by skemer tyd sommer gaan sit en kyk hoe die son sak. Toe kom stap daar 'n klomp local (wel... van Oos Java eiland) na my toe en vra of hulle vir hulle engelse taak 'n onderhoud met my mag voer... so darem toe soortvan interesante interaksie.


Daarna gaan eet by die Hard Rock Cafe. Heel interesant om dit te doen. Ek was dalk 'n bietjie vroeg, en ook by gebrek aan geselskap het seker ook nie te veel aan my gedoen nie... So toe terug hotel toe en lekker boek lees...

Sondag 22/04/2007


Sleg geslaap, maar nietemin 8:30 oppad na Medewi. Dit is nou in 'n ramshackle Mitchubishi bussie wat amper so replika van die Suzuki tipe van busie met die twee deure wat ons jarre terug in SA gekry het. Dit alles is natuurlik via-via gereel met amper elkeen wat skuldig lyk met 'n vinger in die paai... nee dit is darem nie regtig so nie, maar dit is amper so vriend se vriend storie... en ek voel net soos die sukker toeris...

Die gawe man wat my rondrits is die einste Komang Indra van Tirta Silajaya Tour & Travel, wat geen een natuurlik mee sal saamgaan as jy die hoegenaam waag om dit via die internet te book (en dankie tog dit staan nie op sy besigheids kaartjie...). Die trippie neem ons op 'n egte asiese rally, waar 'n getoet en gekarring met ratte die volle 80-100km duur. Gelukkig to ons weer by Soka verby kom word ek verras met die mooiste kus-branders wat ek al gesien het. Die pad hiervandaan na Medewi was baie lekker en ry deur immergroen klowe. By Medewi wag Agung (my vriend van die Hotel waar ek bly) op ons. Die ene vriendelikheid self... en ek moet bief teen die tyd is ek en Indra ook baie meer vertroud met mekaar. Goeie mense...

Hulle help my toe amper daar in die water en ek is oppad na epic waves, want mense... daar is mens plekke langs ons kus waar 'n brander so mooi breek... elke keer amper op die selfde plek met 'n bitter maklike takeoff dat selfs die ses voeters jou nie eens laat twyfel nie... Ek was so plus minis twee ure in en toe besluit om maar terug te gaan. Daar lekker by die informele kaffeetjie gesit en kyk na die toneel voor my. Agung nooi my toe uit vir middagete, want hy bly sommer daar naby. Sy huis is nou spreekwoordelik in die paradys. Klein groen paatjies na die huis toe in kom ons se dan nou maar: Rural Bali... maar jy weet amper nie daar mense verder op in die woud is nie. Elektrisiteit en alles. Daar bring sy vrou 'n volgang maal: Rys, vis en 'n stukkie vleis op 'n weird stokkie en kokosneut gereg! Wow. Baie lekker, maar mens moet maar wild na die sakdoek gryp, want die goeters is warm! “Hot-aaah, velly hot!” Daarna het Agung my die rivier gewys en toe ons eers daar geswem. Pragtigste skoon rivier, waarin almal was, ens, ens vir so odd 100km, so jip... baie versigtig. Terug by die huisie begin fotos neem van die pragtige tuin. Daarna gegroet en toe weer vinnig twee waves by Medewi gaan ry.

Kris-Kros oor die bulte terug met 'n slap regs na Tanah Lot temple toe. Fotos geneem, rondgestap en die plek bewonder en 'n ysteetjie gedrink. Terug in Kuta: Veilig en ongedeerd. Is ek deur 'n stort en opsoek na Warrung 69. Gekry en toe vir seker die lekkerste ete nog: Want honger is mos die beste kok. Internet en terug kamer toe om skets te skryf, te lees en te kiep...

Maandag 23/04/2007

Nog 'n interesante dag met Tirta Silajay Express... Die mannetjie (Indra) wag my al so 8:45 in by die hotel... dit is nadat ek gou rondgeskarrel het om geld te wissel en tande te borsel. Vandag is dit Ulu Watu, maar voor ons daar heen oppad is, eers gaan kyk by Naso Dau.

Dit is 'n stunning plek, met 'n reef wat diep in breek. Daai tipiese prentjies op poskaarte en vakansie advertensies: Meeste van hulle is seker maar hier geneem. Ek het so ent gestap en fotos geneem. Die pad soontoe en terug is ook lekker Net groen bome en woude rondom.
Elkgeval dit weer vinnig versteur toe ons na Dreamland naby Ulu Watu. Daar afge-hink-e-pink oor klippe en stuff. Onder in die see by 'n absolute stille oseaan. Well... toe ek later iemand vra: Dit is immer hoogwater... ai toggie... Ek sit eers daar op 'n reef wat belowend lyk maar tot my spyt kan selfs die wat dik is nie eers gery word nie... ai toggie... hy bruis maar net so bietjie oor die reef en dan breek hy met 'n tiepiese Pringlebaai-beachbreak so paar meter op die strand. Oor gepaddle na die left wat breek en daar ook nie veel beter nie. So omtrent so uur later is ek maar terug by my vriend en is ons oppad na Pedang-pedang!

So die eerste dag op Bali het ek in so paar mense vasgeloop ('k dink Ausies) wat ek gevra het oor Ulu Watu. Hulle vra toe of ek nog leer, en natuurlik se ek, “Nope, I'm alright...!” Elk geval... dalk leer ek nog... Daar teen die kranse tussen geboutjies en stalletjies en dinge en mense afgestap tot in 'n grot. Ok... nou hoe nou... en toe onthou ek wat die Ausies gese het: “Deur die grot en dan paddle jy om uit die rip (stroom) uit te kom. En dan paddle jy om agter te kom en as jy wil uitkom: Mik vir die klein strandjie en dan kry jy hopelik die grot raak, 'Mate'!” So toe is ek darem daardeur die grottjie en toe ek sonlig sien is dit nog voor ek kon se “surf” en die stroom het my. Ek sien hoe ek hier moet paddle of hulle tel my by Kuta beach op... gits... so toe paddle ek my armpies flou... Kom agter en sit seker so halfuur daarond met groot oe en 'n hart wat in my keel klop: Ok, so hierdie groot goeters gaan ek ook nie ry nie, en op een of ander manier moet ek uit... want dit is nie nou meer lekker nie! So toe na een van die Ausies vir my se: “Better surf off to ya left, mate!”, was dit seker die teken om maar om te draai as om eerder biejie meer left te le... So met so 'n stilte begin so bietjie paddle en moet opskraap om te kyk of daai strandjie wel haalbaar is, en nee: Ek dink nog geen man het daar voet gesit nie... in elkgeval nie met 'n surfboard in die hand nie... Maar gelukig met sewe slukke sout water is ek toe uiteindelik met nog grootter oe in die grotjie en sowaar “ding” (kap) ek nog my surfboard neus (Rp.80000) ook.
So bo terug by Indra, en hy is heel verbaas dat ek terug is. Verduidelik toe my storie en vergryp my eers na Coke om nodige suikervlakke te herstel. Eet nog so bietjie noodles en eiers en neem maar fotos etc.etc...

So later die middag (na bord gerepereer en middag slapie ook al buite die kwessie was) suiker ons toe in die Mitchubishi oor bulte en dale na die “Pemerintah Kabupaten Budung” Hindu tempel. Met 'n blou sarrong en bandjie-dingetjie begin Indra heeltemal liries gaan oor die tempel en stout apies en neem foto hier en neem foto daar. So aan die een kant asof dit die hoogtepunt is, maar ook asof dit al so ingeoefen is.

Laaste stop is Jinbaren hawe, waar hy van hierdie een plek weet waar jy kos per kg kan koop. So met my gebrek aan cash na die surfboard ding Sit ek met 'n skamele hoeveelheid geld in my beurs, in seker een van die amper mees idiliese Bali'se omgewing: Sonnetjie wat sak, waters wat kabbel en bootjies op die water. So hier sit ek (en ek moet eintlik vir my 'n vreeslike grand stuk kreef of iets bestel) en ek sit met amper geen cent op my in hierdie plek waar alles wapper en wys van grand-geit. So toe bestel ek maar die vyf mosseltjies met baie-baie rys en drink my koppie koffie. Die waiters was nie baie gelukkig nie, maar tenminste lekker met van die Ausies gesels... Ingra lag ook net lekker toe ek uitsatp met 'n Rp.1000, d.w.s. R1. Hehe...
Terug by hotel groet ek vir Ingra met seeninge en wense. Drink my welcome drink. Lees my boek klaar en gaan kry gou 'n paar geskenke. Boek vlug en antwoord epos. En fluit fluit...

Dinsdag 24/04/2007

Vanoggend bietjie laat geslaap om maar te begin inkom vir die SA tyd ding... Ontbyt ingepak vir die lang dag en gaan surf. Heel oraait surfie in Kuta beach. Nie wow nie, maar wel lekker. Verder gou al die geld terug gewissel, ingepak en alles gedoublecheck, uitgeboek en begin om rapporte en skets te skryf terwyl ek vir my lift na die lughawe wag.

Epic toer en Indos sien my weer!!

Eerste Post

Hi almal

Ek sit nou hier op Kaapstad Internationaal, of is dit nou DF Malan, of was dit dalk al ondertussen ook weer iets anders... (kom ons los dit dan daar....)

Terug van Indonesia na 'n epic surf en het tyd om te verwyl op die lughawe terwyl my Pa vassit in Schlaapstad verkeer.... ai toggie.... en met die insperasie van Dirk en Ilse wat so blog het ek die stap in hierdie rigting geneem... En so die sketse van vrooer in die PDF formaat, maar nou hierop sit. En dit ook op 'n manier bietjie interaktief hou... (gits klink ek nou soos 'n ou omie, wat tog nie tred wil verloor met tyd nie :-) ).

So hier is ons nou: Ek en Kari trou oor minder as twee weke. Wie sou dit nou 'n jaar en 'n maand terug kon se.... (ok so paar van julle....)

Ek sal sommer gou-gou om die Indonesie trippie se skets op die blog sit... want soos ek hier tik, is die alreeds klaar getik...

Groete vir eers
Riaan